Plantun de Prouvènço

Pèr coumpara dos planto d'encò nostre

Atocion rupestre & Eupatorium cannabinum

Atocion rupestre

Caryophyllaceae

Nom en français : Silène des rochers.

Descripcioun :
Aquesto empeganto dóu gènre Atocion (empeganto sènso péu e verdalo en "cimo biparo laco") trachis dins li roucas, lis esboudèu e li pelouso d'auto mountagno. Li fueio, óupousado, soun en lanço e pulèu pichoto. Li petalo blanco fan de 2 à 4 mm emé dous lobo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 50 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Atocion
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 0,6 à 1,0 cm
Flourido : Printèms - Estiéu

Sòu : Si
Autour basso e auto : 600 à 2800 m
Aparado : Noun
Jun à setèmbre

Liò : Roucas - Esboudèu - Pelouso sablouso
Estànci : Mountagnard à Aupen
Couroulougi : Artico-Aupenco
Ref. sc. : Atocion rupestre (L.) B.Oxelman (= Silene rupestre L., 1753 )

Eupatòri

Eupatorium cannabinum

Asteraceae Compositae

Àutri noum : Canebe-fèr, Carbe-fèr, Epatorium, Capoun.

Noms en français : Eupatoire à feuilles de chanvre, Eupatoire chanvrine.

Descripcioun :
Planto renadivo un pau grando (>1m), bourrihudo, emé de cambo rouginasso, e que s'arremarco emé si flour roso à blanco coumpausado de flouroun en tubo. Li fueio dóu bas, óupousado, soun divisado en fuioun que dounon d'èr à-n-aquéli dóu canebe.

Usanço :
L'éupatòri èi couneigu pèr èstre vertuous contro li problèmo de fege (coulagogue) e de rèn. S'emplego de maceracioun de flour, fueio e racino. Pamens, estènt douna la presènci d'alcalouïde èi counseia de pas n'en prendre de longo.